नेपाल सरकारले सातामा दुई दिन सार्वजनिक बिदा दिने निर्णयलाई आधिकारिक रूपमा राजपत्रमा प्रकाशित गरेको छ। मन्त्रिपरिषद्को दुई दिन बिदा दिने निर्णय राजपत्रमा प्रकाशित भएको हो ।
बिज्ञापन
आज बसेको क्याविनेटले कार्यालय समय बिहान ९ बजेदेखि ५ बजेसम्म गर्ने र सातामा दुई दिन शनिबार र आइतबार बिदा दिने निर्णय गरेको थियो । मन्त्रिपरिषद्को निर्णय केही घण्टामै राजपत्रमा प्रकाशित भएको हो। गृह मन्त्रालयले प्रकाशन गरेको सूचना अनुसार चैत २३ गतेदेखि लागू हुने गरी शनिबार र आइतबार सार्वजनिक बिदा दिइने उल्लेख छ ।
बिज्ञापन
नयाँ व्यवस्था अनुसार सरकारी कार्यालय, सार्वजनिक निकाय र शैक्षिक संस्थाहरूमा साताको दुई दिन बिदा हुनेछ। बिदा थपिएसँगै सरकारले कार्यालय समयमा पनि परिमार्जन गरेको छ। अब सरकारी कार्यालयहरू बिहान ९ बजेदेखि अपराह्न ५ बजेसम्म सञ्चालन हुनेछन्।
यद्यपि, हिउँदयामको समयमा कात्तिक १६ गतेदेखि माघ १५ गतेसम्म भने कार्यालय समय बिहान ९ बजेदेखि अपराह्न ४ बजेसम्म मात्र कायम रहने राजपत्रमा उल्लेख गरिएको छ।
बिज्ञापन
